Монгол улсад барилгын салбар үүсч хөгжсөний 90 жил, нийтийн аж ахуйн салбарын 85 жил, Азийн хөгжлийн банкны Монгол Улсад үйл ажиллагаа явуулж эхэлсний 25 жилийн ойн хүрээнд зохион байгуулагдсан тус салбарын өнөөгийн байдал, цаашдын чиг хандлагын талаар чуулга уулзалтад Ультрасоник ХХК сүүлийн үеийн дэвшилтэт технологи бүхий дэд бүтцийн төгс шийдлүүдээ танилцуулж барилгын салбарын өнөөгийн байдалд шинэчлэл хийх шаардлагатайг онцоллоо.

Барилга, хот байгуулалтын яамнаас санаачлан зохион байгуулсан энэхүү чуулга уулзалтанд Монгол улсад барилга, нийтийн аж ахуйн салбарт үйл ажиллагаа явуулдаг нийт байгууллагууд болон холбогдох удирдлагууд оролцож байгаа бөгөөд барилга,нийтийн аж ахуйн салбарт тулгарч буй асуудлуудыг хэлэлцэж цаашид хэрхэн оновчтой шийдвэрлэх талаар хэлэлцүүлэг өрнүүллээ.

Энэхүү арга хэмжээнд Ультрасоник ХХК дэд бүтцийн салбарт одоогийн насжилт хэтэрсэн, ашиглалтын зардал ихтэй системийг халж сүүлийн үеийн дэвшилтэт технологийг нэвтрүүлэх шаардлагатайг онцолсон бөгөөд дэд бүтцийн тогтолцоог бие даасан системтэй болгох нь хэрэглэгч болоод хангагч байгууллагын хоорондох маргааныг шийдвэрлээд зогсохгүй үр ашиггүй урсгал зардлыг бууруулна гэж үзэж байгаа юм.

Ультрасоник ХХК  Дэд бүтцийн шинэчлэлтэнд гар бие оролцож бусад хангагч байгууллагуудтай хамтран ажиллахад бэлэн байгаагаа мэдэгдлээ.

Герман чанарыг Монголд Ультрасоник ХХК